"Uns Woren is nu schon öwer soebenhundert Johr olt."

"Nu kiek mal einer an."

"Un dorüm sall nu in de Stadt allens schön maakt un in Ordnung bröcht warden!"

"Allens schön maakt warden un de Dreckecken verschwinden?"

"Jawoll, genauso is dat."

"Un dat marken de Wornschen ierst na soebenhundert Johr?"

" Du harst oewer gistern in de Langen Straat 'ne säute Pupp an'n Arm."

"Dat wier 'ne Urlauberin."

"Un de anner, de juch begleit't hett, wat is dei?"

"Dat wier mien Dolmetscherin."

"Dunnerwetter, is de Urlauberin gor ut'n Utland?"

"Dat nich, oewer ut Sachsen."

"Ick will dat nächste Kurkonzert besäuken."

"Geihst du allein?"

"Nee, uns lütt Dackel kümmt mit."

"Watt sall hei den dor?"

"Nülich hew ick din Fru in de Lang' Straat seihn.

"Geföllt se die?"

"Ich sage nur: eine Frau mit Anziehungskraft.!"

"So? Na, denn bün ick woll de Mann mit Fliehkraft."

"Wieso denn dat?"

"Na würst du dien Kopp ümmer henhollen, wenn bi ehr de Tellers fleigen?"

"Bi dit warme Wädder bün ick nu immer an de Müritz."

"Ick bad uck."

"Ick hew di oewer noch gor nicht in't Volksbad seihn."

" Dat kannst Du uk nich."

"Worüm denn nich."

"Ick sitt tau Hus in de Waschschöttel."

"Minsch, hew ick nülich up uns Volksfest an ein Scheitbaud' knallt."

"Hest du denn orrig wat krägen?"

"Ein Blaum."

"Wat denn, mihr nich?"

"Wat kann ick dorför, wenn dei Kierl so giezig wier un mi nich mihr schenkt hett."

"Kannst du mi nich seggen, wat de Klock is?"

"Seggen kann ick dat, oewer wenn ick dat nu nich dau?"